Visa Signature ბარათის სამოგზაურო დაზღვევა

Visa Signature ან სამოგზაურო Visa Signature ბარათით წინასწარ სრულად ან ნაწილობრივ უნდა იყოს დაფარული მოგზაურობასთან დაკავშირებული ხარჯები, ან:

მოგზაურობის დაწყებამდე ან გადახდილი უნდა იყოს საცხოვრებლის ღირებულება ან ჯავშანი, რომლის ღირებულებაც მოგვიანებით იმავე ბარათით დაიფარება.

შეძენილი უნდა იყოს ორმხრივი ბილეთი ( ავია, სარკინიგზო ან კრუიზის);

გამგზავრება უნდა მოხდეს ბარათის მფლობელის მუდმივი საცხოვრებელი ქვეყნიდან. ასევე, მოგზაურობა უნდა დასრულდეს მუდმივ საცხოვრებელ ქვეყანაში;

თითოეული მოგზაურობის ხანგრძლივობა არ უნდა აღემატებოდეს 90 დღეს (უწყვეტად);

თითოეული მოგზაურობის დასრულებისას, ბოლო 12 თვის მანძილზე მოგზაურობის ჯამური ხანგრძლივობა არ უნდა აღემატებოდეს 183 დღეს.

ვებგვერდი;

POS ტერმინალი (მათ შორის ციფრული საფულე);

APPLE PAY;

Stripe-ს მეშვეობით, როცა გადახდა ხდება VISA-ს კონსიერჟის გამოყენებით.

80 წლამდე ასაკის TBC Concept Visa Signature ან სამოგზაურო Visa Signature ბარათის იმ მფლობელებზე, ვინც არის მოქალაქე, ან ფლობს ბინადრობის უფლებას იმ ქვეყანაში, სადაც ცხოვრობს ლეგალურად;

ბარათის მფლობელის 18 წლამდე ასაკის შვილ(ებ)ზე, შვილობილ(ებ)ზე ან შვილად აყვანილ ბავშვებზე რომლებიც ცხოვრობენ ბარათის მფლობელთან და ფინანსურად არიან დამოკიდებული მასზე;

ბარათის მფლობელის მეუღლე ან პარტნიორი, ვისთანაც თანაცხოვრების ვადა არის მინ. 1 წელი. თანაცხოვრება უნდა დასტურდებოდეს საერთო რეგისტრირებული მისამართით, ერთობლივი საბანკო ანგარიშით, ან საერთო საცხოვრებელ მისამართზე რეგისტრირებული კომუნალური მომსახურების გადახდებით. ამასთან, ბარათის მფლობელის მეუღლე/პარტნიორიც აუცილებლად უნდა იყოს მოქალაქე ან ფლობდეს იმავე ქვეყნის ბინადრობის უფლებას, სადაც ლეგალურად ცხოვრობს ბარათის მფლობელი.

ბარათის მფლობელის გადაუდებელ სამედიცინო საჭიროებებთან დაკავშირებული ყველა აუცილებელი და გონივრული ხარჯი, თუ ბარათის მფლობელის მკურნალობა ან სამედიცინო გამოკვლევა დანიშნულია ექიმის მიერ. მათ შორის: ლიცენზირებული ექიმის კონსულტაციის, მისი რეკომენდაციის საფუძველზე ჰოსპიტალიზაციის, მკურნალობის და შესაბამის უახლოეს კლინიკაში გადაყვანის ხარჯი;

მოგზაურების დროს გართულებული მშობიარობის შედეგად დაბადებული ჩვილ(ებ)ისთვის გადაუდებელი სამედიცინო დახმარების ყველა საჭირო და გონივრული ხარჯი. ტყუპების დაბადება კვალიფიცირდება ერთ სადაზღვევო შემთხვევად;

გადაუდებელი სტომატოლოგიური მკურნალობა ან/და პროთეზის/იმპლანტის გამართვა კბილის ტკივილის შესამსუბუქებლად;

ბარათის მფლობელის სამედიცინო რეპატრიაცია საერთაშორისო SOS სამსახურის წინასწარი თანხმობის საფუძველზე, საჭიროების შემთხვევაში, სამედიცინო პერსონალის თანხლებით. რეპატრიაციის ხარჯი დაიფარება მხოლოდ იმ შემთხვევაში, თუ ბინადრობის ქვეყანაში დაბრუნება ხორციელდება იმავე კლასის ტრანსპორტით, რომლითაც ბარათის მფლობელი გაემგზავრა სამოგზაუროდ (თუ საერთაშორისო SOS სამსახური არ გასცემს სხვაგვარი ტრანსპორტის გამოყენების რეკომენდაციას);

საერთაშორისო SOS სამსახურის წინასწარი თანხმობის საფუძველზე - ეკონომ კლასის ორმხრივი ბილეთის შეძენა ბარათის მფლობელის უშუალო ოჯახის წევრისთვის, რათა მან შეძლოს ბინადრობის ქვეყნიდან ბარათის მფლობელთან ჩამოსვლა და მისი თანხლება ბინადრობის ქვეყანაში დაბრუნებისას, თუკი ბარათის მფლობელი მარტო მოგზაურობს ან თუ მისი ჰოსპიტალიზაციის პერიოდი აღემატება 7 დღეს;

ეკონომ კლასის ბილეთის შეძენა ბარათის მფლობელის ახლობლისთვის ან უშუალო ოჯახის წევრისთვის, რათა მან შეძლოს ჩამოსვლა და ბარათის მფლობელის მეთვალყურეობის ქვეშ მყოფი 15-წლამდე არასრულწლოვან პირის წაყვანა ბინადრობის ქვეყანაში, თუკი ბარათის მფლობელი ფიზიკურად ვერ შეძლებს არასრულწლოვან პირზე ზრუნვას. თუ ბარათის მფლობელი ვერ დაასახელებს ახლობელს/ოჯახის წევრს, სადაზღვევო კომპანია თავად შეარჩევს არასრულწლოვანის მეთვალყურეობისთვის შესაბამის პირს. თუ არასრულწლოვანის სახელზე წინასწარ დაჯავშნილი დასაბრუნებელი ბილეთ(ებ)ის გამოყენება არ იქნება შესაძლებელი, სადაზღვევო კომპანია დააფინანსებს მისთვის ეკონომ კლასის ბილეთის შეძენას;

75 აშშ დოლარამდე დამატებითი სატელეფონო ხარჯი, რომელსაც ბარათის მფლობელი გაიღებს კლინიკებთან დაკავშირებისას მისი დაშავების ან ავადმყოფობის შემთხვევაში;

ბარათის მფლობელის გარდაცვალებისას - ბინადრობის ქვეყანაში მისი გადმოსვენების გონივრული ხარჯი პოლისით განსაზღვრული ლიმიტების ფარგლებში.

თუკი ბარათის მფლობელი მოგზაურობს ექიმის რეკომენდაციის საწინააღმდეგოდ (ან თუ მისი მოგზაურობა ამგვარად შეფასდებოდა, მას რომ ექიმისთვის მიემართა); ასევე, თუ ბარათის მფლობელის ჯანმრთელობის მდგომარეობა შეფასებულია, როგორც უიმედო;

თუკი მოგზაურობის მიზანია უცხოეთში სამედიცინო კონსულტაციისა და მკურნალობის მიღება;

თუკი უცხოეთში მიემგზავრებით სასწავლებლად, თუნდაც მოგზაურობის ხანგრძლივობა არ აღემატებოდეს 90 დღეს;

თუკი ბარათის მფლობელს აღენიშნება დაუდგენელი წარმოშობის სიმპტომები და საჭიროებს სამედიცინო კონსულტაციას ან გამოკვლევას, ან უკვე ჩანიშნულია სამედიცინო კონსულტაცია ან გამოკვლევა, ან უკვე ჩატარებული დიაგნოსტიკური გამოკვლევის შედეგები ჯერ არ არის ცნობილი);

თუკი მოგზაურობის დაჯავშნის ან პოლისის ძალაში შესვლის დღეს (გათვალისწინებული იქნება უფრო გვიანი თარიღი) ბარათის მფლობელისთვის ცნობილია, ისეთი მიზეზის არსებობის შესახებ, რომელმაც შეიძლება გამოიწვიოს მოგზაურობის გაუქმება/ ვადაზე ადრე შეწყვეტა, ან რომლებსაც ლოგიკურად მოჰყვება ანაზღაურების მოთხოვნა მოცემული პოლისის ფარგლებში.

წინარე სამედიცინო მდგომარეობასთან პირდაპირ ან არაპირდაპირ დაკავშირებული სამედიცინო ხარჯები;

თითოეულ სადაზღვევო შემთხვევისას თითოეული დაზღვეულის მიერ 100 აშშ დოლარამდე გაწეული ხარჯი;

მკურნალობა ან ქირურგიული ჩარევა, რომლის მიზანი არ არის მხოლოდ გაუთვალისწინებელი დაავადებით ან ტრავმით გამოწვეული მწვავე მდგომარეობის მკურნალობა/შემსუბუქება;

ონკოლოგიურ ან ჰემატოლოგიურ დაავადებებთან, კეთილთვისებიან ან ავთვისებიან ნეოპლაზიასთან პირდაპირ ან ირიბად დაკავშირებული ხარჯი;

დაავადების ან ფიზიკური ტრავმის მკურნალობის პრაქტიკასთან შეუსაბამო ან არაგონივრული ხარჯი;

ისეთი მკურნალობის ან ქირურგიული ჩარევის ხარჯი, რომლის გონივრული ვადით გადადება და ბინადრობის ქვეყანაში ჩატარება არ წარმოადგენს საფრთხეს დაზღვეულისთვის;

ისეთი მედიკამენტების პირველადად ან განმეორებით შეძენის/ჩანაცვლებასთან დაკავშირებული ხარჯი, რომლის მიღების საჭიროების შესახებ ცნობილი იყო მოგზაურობის დაწყებამდე;

იზოლირებულ საცხოვრებელ პირობებთან (პალატასთან) დაკავშირებული დამატებითი ხარჯი;

კერძო კლინიკის, სპა-ცენტრის, სარეაბილიტაციო კლინიკის, ავადმყოფის მოვლის ან ნებისმიერი სხვა მსგავსი მომსახურების ხარჯი, რომელიც არ არის შეთანხმებული საერთაშორისო SOS სამსახურთან;

კოსმეტიკური მანიპულაციების ხარჯი, თუკი მათი გამოყენება არ არის სამედიცინო თვალსაზრისით აუცილებელი მოცემულ სადაზღვევო შემთხვევაში;

ბინადრობის ქვეყანაში დაბრუნების შემდეგ გაწეული სამედიცინო ხარჯები;

ტროპიკული დაავადების შედეგად გამოწვეული სამედიცინო ხარჯები, თუკი ბარათის მფლობელს არ ჰქონდა ჩატარებული რეკომენდებული ვაქცინაცია ან არ ჰქონდა მიღებული რეკომენდებული მედიკამენტები;

ნებისმიერი ხარჯი, რომელიც ბარათის მფლობელს დაუდგება საერთაშორისო SOS სამსახურის მიერ ბინადრობის ქვეყანაში დაბრუნების რეკომენდებული თარიღის შემდეგ/როდესაც საერთაშორისო SOS სამსახური სთავაზობს ბარათის მფლობელს ბინადრობის ქვეყანაში დაბრუნების ორგანიზებას. ასეთ შემთხვევაში ანაზღაურებადი ხარჯის მოცულობა შემოიფარგლება სამედიცინო რეპატრიაციასთან დაკავშირებული შესაძლო ხარჯების მოცულობით;

ალტერნატიული სამედიცინო რეპატრიაციის ხარჯები, თუკი ბარათის მფლობელი უარს იტყვის საერთაშორისო SOS სამსახურის მიერ შემოთავაზებულ მომსახურებაზე გონივრული მიზეზისა და წერილობით დადასტურების გარეშე;

თანმხლები პირებისთვის განკუთვნილი ეკონომ კლასზე მაღალი კლასის ავიაბილეთების ღირებულება სამედიცინო რეპატრიაციის შემთხვევაში;

ფეხმძიმობასთან დაკავშირებული ხარჯები, რომლებიც არ არის გამოწვეული მოგზაურობისას დაწყებული გაუთვალისწინებელი გართულებით. მშობიარობა ან სხვა დაკავშირებული ხარჯები, თუკი ექიმის მიერ დასმული იყო ნაადრევი მშობიარობის რისკის დიაგნოზი;

სტომატოლოგიური მკურნალობის ხარჯები, რომლებიც დაკავშირებულია პროთეზის, ხელოვნური ან ძვირფასი მეტალის კბილის დამზადებასთან.

ბარათის მფლობელს არ ჰქონია ექიმის აკრძალვა კონკრეტულ გასართობ ღონისძიებასა და სპორტის სახეობაში მონაწილეობის მიღებაზე;

ბარათის მფლობელი იცავდა ყველა რეკომენდებულ უსაფრთხოების ზომასა და რეგულაციას (მაგ. ჩაფხუტის ან შესაბამისი აღჭურვილობის ტარება);

ბარათის მფლობელი არ მონაწილეობდა რბოლასა და ისეთ შეჯიბრში, სადაც სიჩქარე და დრო არის პრიორიტეტული ;

მოგზაურობის მიზანი არ ყოფილა კონკრეტულ გასართობ ღონისძიებასა თუ სპორტის სახეობაში მონაწილეობის მიღება (გარდა ზამთრის სპორტის სახეობებისა).

უკრაინა (ინგლისური, რუსული) +380 (44) 499 39 75

ლონდონი (ინგლისური) +44 (0) 208 762 8373

დუბაი (ინგლისური,ფრანგული, არაბული) +971 (4) 253 6024

აშშ. (ინგლისური) +1 (877) 859 1273

როცა სადაზღვევო შემთხვევის სამედიცინო ხარჯი აღემატება 500 აშშ დოლარს;

თუ ფიზიკური ტრავმის ან ავადმყოფობის გამო დადგება ბარათის მფლობელის ჰოსპიტალიზაციის საჭიროება;

რეპატრიაციის დაწყებამდე.

ელფოსტაზე visaclaims@crawco.pl, სადაც საჭიროა გაიგზავნოს:

ბარათის მფლობელის სახელი, გვარი და მისამართი;

ბარათის პირველი 9 ციფრი;

სადაზღვევო ინციდენტის ტიპი და მოკლე აღწერა;

ინციდენტის თარიღი;

ბარათით სამოგზაურო ხარჯების ანაზღაურების დამადასტურებელი დოკუმენტაცია.

ბარათის მფლობელის სახელი და გვარი;

თანხა, რომელიც გადახდილია TBC Concept Visa Signature ან სამოგზაურო Visa Signature ბარათით;

ბარათის პირველი 9 ციფრი;

გადახდის დანიშნულება;

გადახდის თარიღი.

სადაზღვევო მოთხოვნების პორტალზე, სადაც შესაძლებელია პერსონალური პროფილის შექმნა და მისი საშუალებით ანაზღაურების მოთხოვნის ფორმის შევსება.

TBC Concept x Visa concierge ჩატბოტის საშუალებით ვიზას კონსიერჟთან საკითხის დაფიქსირება. კონსიერჟი დაგეხმარებათ სადაზღვევო ანაზღაურების მიღების პროცესის მართვაში.