თიბისი დაზღვევის სამოგზაურო ნაკრები დაგიფინანსებთ ისეთ აუცილებელ ხარჯებს, როგორიცაა:

უბედური შემთხვევის ან მოულოდნელი ავადმყოფობის გამო, სასწრაფო სამედიცინო დახმარების ბრიგადის მიერ ადგილზე გაწეული მომსახურების ან/და უახლოეს სამედიცინო დაწესებულებაში გადაყვანის ხარჯები.

სამედიცინო დაწესებულებაში გაწეული გადაუდებელი სამედიცინო მანიპულაციების ხარჯები, რომელიც ითვალისწინებს სამედიცინო დაწესებულებაში დაზღვეულის 1 საწოლ/დღეზე ნაკლები დროით დაყოვნებას.

სამედიცინო დაწესებულებაში გაწეული გადაუდებელი სამედიცინო მანიპულაციების ხარჯები, რომელიც ითვალისწინებს სამედიცინო დაწესებულებაში დაზღვეულის 1 საწოლ/დღეზე მეტი დროით დაყოვნებას.

ჯანმრთელობის მწვავე მოშლის დროს, მათ შორის ქირურგიული მკურნალობის შემდეგ, სამედიცინო ჩვენებისას სამკურნალო დაწესებულების რეანიმაციულ ან/და ინტენსიური თერაპიის განყოფილებაში დიაგნოსტიკის კონსერვატიული მკურნალობის, მოვლის და დაყოვნების ხარჯები.

ჯანმრთელობის მწვავე მოშლის დროს, სამედიცინო ჩვენებისას, ქირურგიული მკურნალობისა და მასთან დაკავშირებული დიაგნოსტიკის ხარჯები.

ლიცენზირებული სტომატოლოგის მიერ ჩატარებული კბილის მწვავე ტკივილის გაყუჩების ან/და კბილის გადაუდებელი ექსტრაქცია.

თვალის ტრავმული დაზიანების შემთხვევაში, დაზღვეულისთვის გაწეული სამედიცინო მომსახურების ხარჯები.

რედმედის მობილური აპლიკაციით ან ვებგვერდზე redmed.ge, ჯანმრთელობის პრობლემის სპეციფიკიდან გამომდინარე, შესაბამისი სპეციალობის ექიმის ვიდეო ან აუდიო რჩევა.

სამედიცინო პერსონალის თანხლებით (ასეთი აუცილებლობის შემთხვევაში) დაზღვეულის ევაკუაცია საქართველოს საზღვრებს გარეთ არსებული სამკურნალო დაწესებულებიდან თბილისის/ქუთაისის აეროპორტამდე ან საქართველოს უახლოეს სასაზღვრო გამტარ პუნქტამდე.

მოგზაურობის განმავლობაში უბედური შემთხვევის ან უეცარი ავადმყოფობის შედეგად დაზღვეულის გარდაცვალებისას, ცხედრის თბილისის საერთაშორისო აეროპორტში რეპატრიაციის ან ადგილობრივი დაკრძალვის ხარჯები.

სამოგზაურო დაზღვევის დეტალური პირობები შეგიძლიათ იხილოთ ბმულზე

უფასო დაზღვევის პოლისის გამოწერა შესაძლებელია თიბისი ბანკის მობაილ ბანკის აპლიკაციით, ბურგერ მენიუში პროდუქტების აქტივაციის ტაბის არჩევისას, ან რეგისტრაციისთვის შეგიძლიათ დაუკავშირდეთ პირად ბანკირს.

ბარგის დაზღვევა არ შედის სამოგზაურო პაკეტში. საჭიროა ამ პროდუქტის დამატებით შეძენა.

აუცილებელია, სადაზღვევო პოლისის გაფორმდეს საქართველოს საზღვრის გადაკვეთამდე. პოლისი ძალაში შედის პოლისში მითითებული საწყისი თარიღის 00:00 საათზე და ძალაშია პოლისში მითითებული სადაზღვევო პერიოდის დასრულების თარიღის 23:59 საათამდე. დაფარვა კი აქტიურდება საქართველოს საზღვრის გადაკვეთისას.

უფასო სამოგზაურო პოლისი არ ფორმდება 30 დღით და არ ხდება ამ დღეების წლის განმავლობაში გახარჯვა. ყოველი მოგზაურობის დაწყებამდე პოლისი უნდა გაფორმდეს მოგზაურობის კონკრეტული თარიღებით (არაუმეტეს 30 დღისა) იმის გათვალისწინებით, რომ მისი გაფორმება შესაძლებელია მინ. 3 დღეზე. თუკი გაფორმებული პოლისის ვადა აღემატება თქვენი მოგზაურობის ვადას, გამოუყენებელი დღეების სხვა მოგზაურობისას გააქტიურება არ არის შესაძლებელი. გაფორმებული დღეების რაოდენობა სრულად დააკლდება უფასო დღეების ჯამურ რაოდენობას. მაგ. თუ პოლისი გააფორმეთ 10 დღით და რეალურად უცხოეთში იმყოფებოდით 5 დღე, თქვენი უფასო დღეების რაოდენობა იქნება 20, მიუხედავად იმისა, რომ 10-დან 5 დღე პოლისი არ ყოფილა გამოყენებული.

განსაზღვრული დაფარვა არ ვრცელდება შემდეგ ქვეყნებში: ერაყი, ავღანეთი, სომალი, ასევე ყველა იმ ტერიტორიაზე, სადაც მიმდინარეობს საომარი მოქმედებები. დაფარვა ასევე არ ვრცელდება იმ ქვეყნებში, რომლის მოქალაქეც არის დაზღვეული ან/და იმ ქვეყნებში, რომლებშიც დაზღვეულს გააჩნია მუდმივი ან დროებითი ბინადრობის უფლება.

პოლისით გათვალისწინებული სამედიცინო ხარჯების ანაზღაურებისას მოქმედებს გამონაკლისები. მაგ. დაზღვეულს გაწეული სამედიცინო ხარჯები არ აუნაზღაურდება, თუკი:

დეტალური ინფორმაცია გამონაკლისების შესახებ შეგიძლიათ იხილოთ ბმულზე.

70 წელზე მეტი ასაკის პირების შემთხვევაში, ანაზღაურებას ექვემდებარება მხოლოდ უბედური შემთხვევით გამოწვეული სამედიცინო - ჰოსპიტალური ამბულატორიული მკურნალობის სამედიცინო ევაკუაციის, გარდაცვალების და რეპატრიაციის ხარჯები.

სადაზღვევო შემთხვევის დადგომისას, თქვენ ან თქვენი უფლებამოსილი პირი დაუყოვნებლივ (არა უგვიანეს 24 საათისა) უნდა დაუკავშირდეთ თიბისი დაზღვევას და მიაწოდოთ ინფორმაცია სადაზღვევო შემთხვევის შესახებ. თუკი შეუძლებელია დაუყოვნებლივი დაკავშირება, სადაზღვევო შემთხვევის შესახებ შეტყობინება აუცილებლად უნდა განხორციელდეს სამედიცინო მომსახურების მიღების დასრულებამდე.

დაზღვეულის იდენტიფიცირების მიზნით, სადაზღვევო კომპანიას უნდა მიაწოდოთ შემდეგი ინფორმაცია:

სადაზღვევო კომპანიისგან მიიღებთ ინფორმაციას/მითითებებს იმ სამედიცინო პროვაიდერების შესახებ, რომელთაც შეგიძლიათ მიმართოთ სამედიცინო მომსახურების მისაღებად.

სამედიცინო მომსახურების სადაზღვევო კომპანიის მიერ მითითებულ პროვაიდერთან მიღების შემთხვევაში, სამედიცინო მომსახურების ღირებულებას პროვაიდერ დაწესებულებას აუნაზღაურებს თავად სადაზღვევო კომპანია, სადაზღვევო პოლისში მითითებული ლიმიტებისა და ფრანშიზის ოდენობის გათვალისწინებით.

იმ შემთხვევაში, თუ სამედიცინო დაწესებულებას სადაზღვევო კომპანიის წინასწარი შეტყობინების გარეშე მიმართავთ და თავად გადაიხდით მომსახურების საფასურს, სადაზღვევო კომპანიას აქვს უფლება უარი თქვას თქვენი ხარჯების ანაზღაურებაზე.

ასეთ შემთხვევაში, საქართველოში დაბრუნებისას ან დაზღვეულის გარდაცვალების შემთხვევაში, ცხედრის რეპატრიაციიდან/დაკრძალვიდან არაუგვიანეს 30 (ოცდაათი) კალენდარული დღისა, დაზღვეულმა/სხვა დაინტერესებულმა პირმა სადაზღვევო კომპანიაში უნდა წარმოადგინოს აუცილებელი დოკუმენტაცია. დოკუმენტაციის სრული ჩამონათვალი და აღნიშნულ შემთხვევაში სადაზღვევო კომპანიის უფლებამოსილებები შეგიძლიათ იხილოთ ბმულზე:

თანხის ანაზღაურებაზე დადებითი გადაწყვეტილების მიღების შემთხვევაში, ასანაზღაურებელი თანხა ჩაირიცხება წინასწარ შეთანხმებულ საბანკო ანგარიშზე, სადაზღვევო კომპანიის მიერ მოთხოვნილი ყველა აუცილებელი დოკუმენტის მიღებიდან 5 (ხუთი) სამუშაო დღის ვადაში.

გაწეული სამედიცინო მომსახურების ხარჯების ანაზღაურების მიზნით, პროვაიდერმა დაწესებულებამ სადაზღვევო კომპანიას უნდა მიაწოდოს შემდეგი დოკუმენტაცია:

რედმედის ექიმის ვიდეო/აუდიო რჩევის მისაღებად, სადაზღვევო კომპანიისგან გადმოგეცემათ სპეციალური კოდი. კონსულტაციის მიღებას შეძლებთ რედმედის მობილური აპლიკაციის საშუალებით, სადაც უნდა გაიაროთ რეგისტრაცია და ვიდეო/აუდიო რჩევის დაჯავშნისას მიუთითოთ მიღებული კოდი. კოდის გარეშე მიღებული მომსახურების ღირებულება ანაზღაურებას არ ექვემდებარება.